Оброците со домати го чистат организмот од токсини и го топат вишокот килограми. За 5 дена можете да ослабете 3 килограми, а организмот ќе ви се исчисти и ќе се ослободи од отровите.
Доматот е совршена намирница за диети бидејќи е нискокалоричен (во 100 грама има само 18 калории), а е вистинска ризница на витамините А и Ц, калиум, ликопен, најмоќниот антиоксиданс кој го смалува ризикот од малигни болести.
Оваа диета трае 5 дена, но можете да ја повторите после 2 дена пауза.
Во текот на диетата заборавете на слатки, бел леб и мрсни сирења, а јадете пилешко, риба, овошје, зеленчук и интегрални житарки. Од масла смеете да користите само маслиново, а од зачини сол, бибер и ароматични билки.
Секое утро, веднаш штом се разбудите, напијте се чаша млака вода. Јадете најмалку 4 пати на ден. Појадокот и ужината можат да бидат со домати или без него, а за ручек и за вечера мора да јадете од овој зеленчук. 
Предлози за оброци со домати:
Домати со сирење: Измешајте 300 грама сечкани домати, 200 грама младо сирење, прелијте ги со лажичка ладно цедено маслиново масло и зачинете со босилок. Со салатата изедете 30 грама интегрален леб.
Тестенини со доматен сос: Исечкајте два моркови и динстајте ги малку на маслиново масло, додајте 50 мл пилешка супа и динстајте уште 5 минути. Додајте 450 грама сечкани домати, посолете, забиберете и зачинете со пола лажичка мед, па динстајте уште 15 минути. Сварете 100 грама тестенини и прелијте ги со подготвениот сос.
Грчка салата: Исечкајте главица кромид, два домати и една поголема краставица. Прелијте со маслиново масло и зачинете по вкус. Со салатата изедете 30 грама интегрален леб.
Ладно гаспачо: Исечкајте 300 грама домати, една пиперка и една поголема краставица, ставете ги во блендер и додадете 1 лажица маслиново масло, 2 чешниња лук и 2 парчиња печени тост-лепчиња исецкани на коцки.. Посолете, забиберете и оставете да се олади.
Полнети домати со ориз: Издлабете 3 домати и ставете ги во огноотпорен сад. Настрана помешајте 100 грама младо сирење и 125 грама полуварен ориз, малку босилек, домати исечкани на коцкички и лук, па со смесата наполнете ги доматите. Печете 25 минути на 200 степени.
