Не само што е лошо за вашата тежина да јадете навечер, лошо е и за спиењето и можна е појава на киселини доколку обилно се најадете. Лекарите препорачуваат да не внесувате ништо три часа пред заминувањето во кревет, а ако баш морате, тоа нека биде нешто лесно. Еве што никако не би смееле да се најадете или напиете пред спиење…
Алкохол
Алкохолот го иритира дигестивниот тракт, особено делот кој го поврзува желудникот и хранопроводот, варењето е отежнато што автоматски доведува до киселини.
Газирано
Ништо не е понепријатно за стомакот од газираните пијалоци. Ваквите сокови се вештачки покисели од било што друго, а оваа вештачка киселина му пречи на стомакот. Освен тоа, газираните пијалоци го зголемуваат притисокот во стомакот.
Мрсна храна
Сите видови на прженици, масни нешта и сендвичи со преливи. Овде се вклучени и сладоледот, колачите, помфритот. Сето тоа е вистински кошмар за вашиот стомак.
Чоколадо
Чоколадото е богато со масти и содржи кофеин и теобромин кои прават хаос во стомакот.
Сирење и кашкавал
Овие производи се богати со масти, тие ќе ви создадат киселини, особено ако станува збор за пржени кашкавали и сирења кои се сигурниот пат до силни киселини во текот на ноќта.
Јаткасти плодови
Кога станува збор за киселините во стомакот, на нив најмногу влијаат мастите, без оглед дали се заситени или незаситени. Без оглед на тоа што јаткастите плодови се здрави, сепак тие имаат масти, и треба да ги избегнувате пред спиење.
Цитрусни плодови
Цитрусите се кисели, џусот од овие овошја испиен пред спиење е ужасен избор.
Кафе
Кофеинот создава кисела средина во стомакот, па затоа не треба да го консумирате пред спиење, без оглед дали кафето ви создава несоница или не.