Според истражувањето „Sleep Health Foundation“ од Австралија многу луѓе не спијат доволно – просечно помалку од седум часа. Одредена храна го пореметува сонот, но постои и онаа која е препорачливо да ја консумирате пред да заминете во кревет.
Мисиркиното месо е вистинскиот избор за последниот оброк во денот бидејќи содржи големи количини на триптофан – аминокиселина која помага кај ослободувањето на мелатонинот, хормон кој е одговорен за добар сон.
Триптофанот исто така се наоѓа и во други намирници богати со протеини.
Д-р. Џесика Редмонд вели дека недостатокот на триптофан доведува и до недостаток на серотонин, попознат како хормонот за среќа.
Исто така, доколку сакате добро да се наспиете не јадете после 20 часот и избегнувајте алкохол.
Намирниците кои помагаат подобро да спиете се и пилешкото, рибата, јајцата, млечните производи, потоа зелениот зеленчук, авокадото, бананата, медот и бадемите.
За квалитетен ноќен сон пред спиење избегнувајте масна храна, пржена храна, чипс, сладолед, кафе и алкохол.