Многу луѓе имаат висок крвен притисок, иако можеби не се ни свесни за тоа.
Затоа оваа состојба често се нарекува „тивок убиец“ бидејќи може да го зголеми ризикот од срцев или мозочен удар, како и други болести. Затоа би било добро да консумирате храна која ќе ви помогне да го намалите крвниот притисок.
Исхраната секогаш има големо влијание врз нивото на крвниот притисок. На пример, прекумерната потрошувачка на сол може да биде една од главните причини за хипертензија.
Сепак, можете да се одлучите и за храна која има спротивен ефект. Ова вклучува едноставен, но вкусен оброк со три состојки идеален за појадок.
Овесна каша
Овесот е преполн со еден вид влакна наречени бета-глукан, за кои се покажало дека го подобрува нивото на крвниот притисок. Една студија објавена во „Journal of Food Biochemistry“ во 2020-та година покажа дека бета-глуканот е делумно одговорен за намалување на малондијалдехидот, маркер на оксидативен стрес, кај стаорци со висок крвен притисок.
„Овие резултати сугерираат дека соединенијата присутни во овесот може да го спречат високиот крвен притисок и да го заштитат здравјето на срцето на други начини. Сепак, потребни се дополнителни истражувања кај луѓето“, велат тие.
Јогурт
Студијата од 2021-ва година на „International Dairy Journal“ покажа дека учесниците со висок крвен притисок кои консумирале повеќе јогурт имале понизок систолен крвен притисок и понизок артериски притисок од оние кои не консумирале јогурт. Сепак, најдобро е да изберете природен или незасладен јогурт поради неговите здравствени придобивки.
Бобинки
Бобинки како што се боровинки и јагоди се преполни со антиоксидантни соединенија наречени антоцијани, еден вид флавоноиди. Прегледот објавен во списанието „Nutrients“ во 2019-та година ја поврзува поголемата потрошувачка на антоцијани со намалување на крвниот притисок.
