Администрацијата на Џо Бајден планира да ги стави „Yangtze Memory Technologies“ и повеќе од 30 други кинески компании на „црната листа“ што ќе ги спречи да купуваат одредени американски компоненти за нивната технолошка индустрија.
Овие постапки на Вашингтон ќе доведат до нова тензија во и онака заладените односи меѓу двете светски економски велесили, коментира „Bloomberg“.
Министерството за трговија на САД ќе ги додаде водечките кинески производители на чипови на таканаречената „Entity Listу“ ште оваа недела, изјави извор за публикацијата. На компаниите на списокот им е забрането да купуваат технологија од американски добавувачи, освен ако не добијат посебна дозвола за извоз од одделот.
Претставник на „Yangtze Memory“ одби да коментира за „Bloomberg“.
Овој потег е уште една ескалација на технолошкиот конфликт меѓу САД и Кина. Администрацијата на Бајден во октомври воведе широк сет на ограничувања за способноста на Кина да купува полупроводници и опрема за производство на чипови.
Во тоа време, американското Министерство за трговија додаде 31 организација, вклучувајќи ја и „Yangtze Memory“, на т.н. Непроверена листа на компании за кои властите не можат да обезбедат докази за нивните сомневања дека се поврзани со кинескиот воено индустриски комплекс. Од тој датум започна 60-дневното одбројување во кое осомничените правни лица мора да докажат дека таква врска не постои и дека нивните активности не ја загрозуваат националната безбедност на САД.
Производителот на интегрирани полупроводнички уреди со седиште во Вухан, специјализиран за флеш мемориски чипови, „Yangtze Memory Technologies Corp“ е најголемиот производител во земјата. Нејзините производи се користат за склопување на паметни телефони и други компјутерски уреди, а тој е главен конкурент на јужнокорејскиот производител „Samsung Electronics Co“. Кинеската компанија преговара со „Apple Inc“ за снабдување со елементи, што ќе беше голем успех за технолошката индустрија во земјата доколку разговорите не наидеа на пречка.
Одлуката на американската администрација е обид да се спречи Кина да стане поголема економска и воена закана. Кина, од своја страна, остро ги критикуваше акциите на САД, тврдејќи дека администрацијата на Бајден се обидува да го запре нејзиниот подем.
Оваа недела, Кина влезе во спор со Светската трговска организација, обидувајќи се да ги поништи трговските контроли наметнати од САД, тврдејќи дека тие ќе ја нарушат глобалната трговија и синџирите на снабдување.
