Бразилското Министерство за туризам соопшти дека официјално ја информирало ФИФА дека почнало преговори со сопствениците на хотелите околу намалувањето на цените за време на Светското првенство во фудбал во 2014 година.
Ова барање следеше само неколку дена откако агенцијата Меч, која ја изнајми ФИФА утврди дека цените на сместувањето се зголемуваат и до 500 отсто.
ФИФА тоа го сфати како голем проблем и закана за намалување на посетителите, кои би можеле да се откажат од доаѓањето на Светското првенство.
Министерството нагласи дека Меч и хотелите мораат да пронајдат адекватен начин за намалување на астрономското зголемување на цените на хотелското сместување за време на првенството.
Агенцијата Меч објави дека добила официјално барање, но оти ги поддржува сите напори на бразилската Влада за намалување на цените на хотелското сместување.
