Џо Бајден положи заклетва како 46-ти претседател на Соединетите држави напладне на 20-ти јануари. За време на неговата кампања, тој даде големи ветувања за спасување на економијата и забрзување на закрепнувањето од пандемијата.
„CNN“ резимираше некои од политиките што актуелниот претседател планира да ги воведе за да ги врати Американците на работа, да ги зголемат работните места, да ја зголемат расната правда и даноците за богатите, отворајќи нова страница за американската економија.
Одговор на Ковид-19
Планот на Бајден, како што е детално објавен на неговата веб-страница за кампањата, има за цел да се справи со кризата предизвикана од Ковид-19. Тој повика на удвојување на бројот на центри за тестирање низ целата земја, инвестирање во производство на домашни тестови и ангажирање на најмалку 100.000 aмериканци за следење на контактите. Тој исто така сака да инвестира 25 милијарди долари во производство и дистрибуција на вакцини, така што секој Американец може да го набави лекот што му е потребен без никаков трошок.
Планот, исто така, вклучува обезбедување средства за државните и локалните самоуправи за да се избегнат дефицити во локалниот буџет. Ќе биде поднесено барање до Конгресот за материјална поддршка за училиштата за да им се обезбедат заштитни мерки против Ковид-19 и да се покријат дел од трошоците поврзани со малиот бизнис.
Нееднаквост
Бајден рече дека нема да ја зголеми стапката на данок на доход за работниците кои добиваат помалку од 400.000 долар годишно. Претседателот планира да генерира државни приходи на следниве начини:
– Зголемување на данокот на доход за најбогатите на 39,6%, како што беше за време на администрацијата на претседателот Барак Обама, во споредба со сегашните 37%;
– Зголемување на стапката на данок на добивка за седум проценти од 21% на 28%;
– Барање американските компании да плаќаат минимален данок од 21% на нивниот приход од странство;
– Воведување даночна казна за компаниите кои ги преместуваат работните места во странство, но продолжуваат да увезуваат производи назад во САД;
– Наметнување данок од 15% на сметководствените приходи на компаниите;
– Секој што прима годишна плата поголема од 1 милион американски долари ќе се оданочува со иста стапка како и инвестициските приходи, како што е платен.
Бајден исто така рече дека сака да го прошири даночниот кредит на децата за да им помогне на работните домаќинства за време на пандемијата, обезбедувајќи им на родителите 3.000 долари годишно за секое дете на возраст меѓу 6 и 17 години и 3.600 долари за дете на возраст под шест години. Тој планира да го прошири пристапот до даночни кредити што се надоместуваат за здравствени премии на 8.000 долари годишно за поддршка на грижата за децата.
Студија на „Wharton School“ на Универзитетот во Пенсилванија предвидува дека даночниот план на Бајден ќе ги зголеми приходите на владата за помеѓу 2,3 и 2,6 трилиони долари за следните 10 години, со минимално влијание врз БДП-то на земјата.
Работни места
Бајден планира да создаде „најмалку 5 милиони“ нови работни места во индустријата. Тој сака да насочи 400 милијарди долари инвестиции во јавните набавки, процеси како што се синџири на набавка, за да ја зголеми побарувачката за американски производи и услуги. Дополнителни владини инвестиции од 300 милијарди долари ќе бидат насочени кон истражување и развој на технологијата, вклучително и вештачка интелигенција и 5G.
Федералната минимална плата, која во моментов е 7,25 долари на час, ќе биде покачена на најмалку 15 долари на час.
Што се однесува до чистата енергија, неговата администрација ќе купи „чисти“ возила и производи во вредност од неколку милијарди долари и ќе бара од другите нееколошки земји да плаќаат данок за нивните емисии на јаглерод.
Друг приоритет во плановите на Бајден е промовирање на расната правда. Тој рече дека ќе ги финансира државните и локалните иницијативи за инвестиции од афро-американски и латиноамерикански претприемачи. Новиот претседател ќе обезбеди деловни заеми со ниски камати од 100 милијарди долари за малцинските заедници преку државни и локални програми за кредитирање.
