Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 13,212.04 0.15%    FERS 74,500.00 0%    GRNT 1,190.00 -0.2%    KMB 7,645.00 0.07%    MPT 77,067.13 0.09%    MTUR 5,700.00 0%    ORAN 100.00 29.87%    PKB 12,280.00 2.33%    SBT 3,000.00 -1.64%    STB 1,300.00 -1.32%    TETE 2,181.89 -2.62%    TKVS 5,550.00 0%    TNB 19,400.00 1.57%    TTK 1,700.00 -0.06%    ZELE 115.00 -81.3%    ZPKO 2,693.00 2.98%    

Берба и откуп на споредни шумски плодови – макотрпна, но исплатлива сезонска работа

Време: 12:03

Датум: август 24, 2019

Категорија: ЕКОНОМИЈА

Сезоната на зреење боровинки, малини, капини, како и останати споредни шумски плодови е во полн ек, а голем број граѓани со години летото го минуваат низ падините и планините берејќи плодови. Собраните плодови подоцна ги предаваат во откупните центри за одредена сума пари, кои иако тешко заработени, најчесто им се единствен извор на финансии.

Откупувачите, пак, велат, бизнисот за откуп и дистрибуција на споредни шумски плодови е исплатлив, а покрај шумските плодови како боровинки, малини, капини, во повеќе периоди од годината се откупуваат и полжави и печурки.

Бобан Манасиевски вели дека од дете имал контакт со овој вид работа, чиј татко исто така откупувал шумски плодови.

– Сум бил во контакт со оваа струка од мал, а денес, кога е време на превласт на модерните технологии, многу малку луѓе, особено млади, се решаваат да почнат ваков вид бизнис. Исплатлив е, се разбира, доколку се работи максимално посветено, но од друга страна, и не е лесен, бара целодневен ангажман, треба многу работа и добар менаџмент. Некогаш луѓето доаѓаат доцна навечер, кога ќе се приберат од село, од планина, некогаш и многу рано наутро, дури и во 4 или 5 часот, пред да тргнат повторно на берба, вели Бобан.

Во работата му помагаат неколкумина, од кои и домашните. Има голем откупен објект во центарот на Крива Паланка, во Старата чаршија, како и неколку откупни локации во селата: Калин Камен, Метов и Тораница, за луѓето од овие реони да можат да ги достават, а имаат и превозни средства со кои гравитираат во околината на откупните пунктови.

– Се мора добро да се организира, од комуникација и контакт со берачи, преку откуп, до транспорт. Целата откупена стока ја транспортираме до фирмата со која соработувам во Скопје, јас сум како испостава. Најголемиот дел од плодовите се извезуваат во странство, дел се чистат и преработуваат, но најмногу се замрзнуваат и се пласираат на странските пазари. Берат и млади и стари, има луѓе кои доставуваат и по 50 килограми плодови дневно за откуп, ако се тоа боровинки во просек 100-120 денари килограм, тоа се речиси 100 евра дневна заработка по човек, а не ретко, во селата цели фамилии берат, вели Манасиевски.

Парите спечалени со берба на плодови, се тешко заработени пари, но има семејства кои во текот на цела година егзистираат од оваа работа. Тие пари им служат и за исхрана и за издржување на семејството, на децата кои одат на училиште.

– Важно е што нашето поднебје е погодно за овој вид шумски плодови, реонот изобилува со боровинки, малини, шипинки… Шипинките пред седум-осум години ги исекоа од страна на шумското стопанство заради обнова на грмушките и сега повторно се очекува да имаат богат род. Парите кои граѓаните ги печалат со овој бизнис се вртат тука, во локалните бизниси, угостителски, трговски објекти. Цели фамилии, пак ќе кажам, живеат од берба на шумски плодови и билки, додава Манасиевски.

Проблемот што се јавува изминатите сезони, вели, е тоа што граѓаните рано, дури се уште зелени ги берат плодовите, со што се прави штета – загуба. Ако на овој начин се ефективно обрани околу 200 тона плодови, доколку се почека да созреат, ќе имаат подобра заработувачка зашто ќе бидат собрани околу 300 тона плодови.

Надлежни за контрола на берба на шумски плодови се шумочуварската служба на ЈП „Национални шуми“, подрачно шумско стопанство „Осогово“ – Крива Паланка, МВР, шумската и гранична полиција, а дозволи за берба издава Шумското стопанство.

Јавното претпријатие „Национални шуми“ – Подрачно шумско стопанство „Осогово“ во сезоната 2019/20 има издадено вкупно 31 дозвола за собирање споредни шумски плодови за оваа сезона.

– Сезоната на собирање споредни шумски плодови почна на 1 месецов, а досега вкупно триесет и едно физичко лице од Крива Паланка има дозвола за оваа активност. Дозволи се уште се издаваат во нашата подружница, чинат 400 денари, а важат за цела сезона. Така што граѓаните кои имаат дозвола, што е задолжително за да можат да се бават со оваа дејност, со оваа дозвола покрај актуелните боровинки, малини, капини и шипинки, ќе можат да собираат печурки, билки и останати споредни шумски плодови во текот на целата година, информира Ѕвонко Груевски, раководител на подружницата на ЈП „Национални шуми“ – Шумско стопанство „Осогово“.

Покрај физички лица, дозволи се издаваат и за правни лица, за вршење откуп на плодови од природата. Во 2019 година две фирми кои вршат откуп склучиле договори со ПШС „Осогово“, а формирани биле вкупно шест кои вршат ваква дејност на територијата на Крива Паланка.

– Контрола на бербата на споредни шумски плодови се врши редовно, надлежни за контролирање се МВР, Шумската полиција, Граничната полиција и Шумочуварската служба на нашето претпријатие. Досега, од почетокот на бербата, 1 август, Шумочуварската служба извршила 12 контроли во кои се опоменати 30 лица, кои се упатени да набават дозвола во подружницата, за да се избегнат казни и санкции, додава Груевски.

Манасиевски, пак, вели дека службите треба повеќе да вршат контрола за да се спречи евентуалната штета која берачите ја прават на самите стебла и дрвца, правејќи долгорочна штета, бидејќи при бербата ги кршат или уништуваат грмушките, стеблата или ги откорнуваат.

Покрај изобилието со шумски плодови, Кривопаланечко-ранковскиот реон е богат и со ароматични билки и чаеви, а климата е погодна и за нивно одгледување.

Марјан Трајковски е еден од пионерите во плантажно одгледување на ароматични билки. Тој има околу пет хектари плантажи со билки и два декара аронија. Тој раскажува дека доколку се направи правилна едукација на населението, во ранковското Славишко Поле има идеални услови за одгледување ароматични билки и производство на етерични масла.

– Одгледувањето ароматични билки може да биде подоходовно отколку раноградинарските култури. Поднебјето е идеално за плантажни насади на билки. Јас работам со насади на лаванда, сидеритис скардика – шарпланински чај, оригано вулгаре, мајоран. Имам околу пет хектари под ароматични билки, а тие не бараат голема обврска, ангажманите не се големи, ниту трошоците. Се е на природна база, не се користат вештачки препарати и ѓубрива за одржување, само природно, а сето ова е органски сертифицирано и така е лесно за пласман и извоз, вели Трајковски.

Тој има набавено мала лабораториска опрема за преработка и добивање етерични масла, а планот му е да набави индустриска.

– Има одлични парни котли кои ќе бидат погодни за дестилација на етеричните масла. Јас имам искуство со работа на поле на востановување системи за одгледување и преработка. Кога работев во шумското стопанство, ја основавме компостарата за одгледување печурки – шампињони која работеше 15-тина години. Се надевам дека ќе можам во блиска иднина да говорам и за мојата мала индустрија за одгледување, преработка и пласман на етерични масла, бренд на овој регион, додава Трајковски.

Ирена Белешковска

КОМЕНТАРИ

НАЈНОВО ОД КАТЕГОРИЈАТА

  • Одлични резултати на #МојаНаграда во првите два месеци, бројот на дневно скенирани сметки удвоен

    Одлични резултати на #МојаНаграда во првите два месеци, бројот на дневно скенирани сметки удвоен

    Првите два месеци од приредувањето, наградната игра МојДДВ #МојаНаграда дава одлични резултати. Доделени се 640 награди во вкупен износ од 9,1 милиони денари. Во играта…

  • Продолжува да расте бројот на заразени од коронавирус на крузерот во Јапонија

    Продолжува да расте бројот на заразени од коронавирус на крузерот во Јапонија

    Уште 67 лица кои се наоѓаат на крузерот „Дајмонд принцез“, закотвен во јапонското пристаниште Јокохама, се заразени со коронавирусот, изјави денеска јапонскиот министер за здравство…

  • Германската економија стагнира

    Германската економија стагнира

    Економскиот раст на Германија стагнираше во четвртиот квартал, а извозот е во пад, според германската агенција за статистика. Associated Press наведува дека економските проблеми на…

  • Вкупно 1.523 лица починаа од вирусот во Кина, а 66.492 се заразени

    Вкупно 1.523 лица починаа од вирусот во Кина, а 66.492 се заразени

    Во Кина досега 1.523 лица починале од коронавирусот, а заразени се 66.492 лица, изјави официјалниот претставник на Националната здравствена комисија Лијанг Ванијан. Тој рече дека…

  • ФИТР воведува нов механизам за поддршка на млади талентирани деца

    ФИТР воведува нов механизам за поддршка на млади талентирани деца

    Фонд за иновации и технолошки развој организираше консултативна дебата за новиот механизам за финансиска поддршка на младите креативци. ФИТР подготви „Правилник за финансиска поддршка на…

  • Претпладне умерено облачно, попладне сончево

    Претпладне умерено облачно, попладне сончево

    Во претпладневните часови времето ќе биде умерено до значително облачно, а попладне претежно сончево. Ќе дува умерен до засилен ветер од северен правец, особено изразен…

  • Граѓаните на САД денес ќе потрошат 27 милијарди долари

    Граѓаните на САД денес ќе потрошат 27 милијарди долари

    Аналитичарите предвидуваат дека граѓаните на САД денес, на Денот на вљубените ќе потрошат околу 27,4 милијарди долари. Тоа е голем скок од минатата година, кога…

  • Анализа: Поради нелинеарен раст и развој на туризмот Охрид и државата од осамостојувањето до денес загубиле шест милијарди долари

    Анализа: Поради нелинеарен раст и развој на туризмот Охрид и државата од осамостојувањето до денес загубиле шест милијарди долари

    Градот Охрид генерално остварува приходи од туризмот како стопанска дејност, но реализираните приходи се далеку помали од можните. Тоа го покажуваат податоците од Анализа на…

  • Направено злато кое личи на пластика

    Направено злато кое личи на пластика

    Швајцарскиот технички институт ETH Zurich успеа да направи 18-каратно злато, кое е пет до десет пати полесно од постојните легури, а кое изгледа и има својства слични…

  • АБИТ официјално стана дел од високообразовната групација на германската установа Хајделберг

    АБИТ официјално стана дел од високообразовната групација на германската установа Хајделберг

    Академијата за банкарство и информатичка технологија, АБИТ, од 01.02.2020 година официјално стана дел од групацијата на високообразовната германска установа „Институт за бизнис и менаџмент Хајделберг…