Подолг период на слаб раст на светската економија се уште е реална опасност, предупредуваат од ММФ. Од фондот ја намалија уште еднаш прогнозата за раст на светската економија, во услови на слаб извоз и намалување на инвестициите.
Меѓу факторите кои се закана за растот, се уште очекуваните даночни зголемувања во Јапонија и ниските цени на суровините од нафтата до пченицата. Светската економија се очекува да се зголеми со 3,2% во оваа година во однос на предвидените 3,4% во јануари, изјавија од ММФ во својот традиционален преглед.
На послабите очекувања на ММФ е многу веројатно да влијаат врз финансиските министри и централните банкари од целиот свет, кои се собираат во оваа недела во Вашингтон за средбата на земјите од Г-20. Фондот, исто така, ја намали прогнозата за раст за следната година до 3,5% во однос на очекуваните 3,6%.
„Растот е премногу бавен премногу долго“, коментира главниот економист на ММФ Маурис Обстфелд. „Нема повеќе простор за грешки“, додава тој цитиран од финансиското издание „Bloomberg“.
Меѓу главните ризици за светската економија, наведени од ММФ, е „враќање на финансиската криза“. Фондот одредува уште неколку политички и геополитички закани, меѓу кои се зголемувањето на популизмот во САД и Европа, референдумот во Британија во врска со нејзиното заминување од ЕУ во јуни и големиот проток бегалци. Најголемото намалување на прогнозираниот раст меѓу развиените земји доаѓа во насока на Јапонија. ММФ ги намали очекувањата раст во земјата половина за оваа година – до 0,5%. За следната година се очекува јапонската економија да забележи дури пад од 0,1%, во позадината на очекувањата пред три месеци за зголемување од 0,3%. Моќта на јапонската валута и слабата побарувачка, доаѓа од земјите во развој, се во основата на силното намалување на прогнозата за раст на јапонската економија.
