Инвеститорите се откажаа од американските акции, откако Банката на федерални резерви (ФЕД) се подготвува да ги зголеми каматните стапки, а корпоративните профити ги испуштаат парите и поради тоа се насочуваат кон европските акции со надеж да извлечат корист од обновата на добивката, од послабото евро и поголемите квантитативни олеснувања од Европската централна банка (ЕЦБ), пишува „Bloomberg“.
До овој момент во 2015-та година американските акции запишуваат одлив од 124 милијарди долари, додека европските акции се радуваат на прилив од 115 милијарди долари, покажуваат податоците на „Bank Of America“ од 3-ти декември.
Големата ротација се гледа при претставувањето на индексите, додека S&P 500 е надолу за 1 отсто за оваа година, европскиот Stoxx 600 забележа раст до 6 отсто, а германскиот DAX од 8%.
Замената на американските акции со европските ќе продолжи и во 2016-та година, благодарение на разминувањата се монетарна политика и циклусот на профитот, смета аналитичарот во „NN Investment Partners“, Ево ван Шаик.
„Има огромен притисок врз државните маржи на профит и значителни можности за проширување на европските маржи“, коментира експертот.
Добивката на S&P 500 забележа пад од 3,3% на годишна основа во третиот квартал, што ја прави сезоната на извештаите најлошата од 2009-та година, покажуваат податоците на „Bloomberg“.
Инвестициските насочувања кон европските берзи се враќаат кон нивото од 2007-ма година, што обезбедува можност за уште инвестиции.
Падот на глобалниот економски раст по должничката криза во еврозоната ги поттикна инвеститорите да ја намалат експозицијата кон европските акции. Требаше да поминат 8 години, за да се компензираат кумулативните приливи од 170 милијарди евра, по 2007-ма година, покажуваат податоците на „EPFR Global“.
„Во 2011-та година и 2012-та година институционалните инвеститори од региони, меѓу кои Азија и Блискиот Исток, ја намалија изложеноста во европски акции до нула, исплашени од должничката криза. Сега тие се враќаат, а има место за уште приливи“, коментира шефот на одделот за трговија со акции во друштвото за управување „Amundi“ Ромиен Боше.
Стабилизацијата на еврото по големиот пад во последните две години, исто така ќе биде позитивен за европските приливи во 2016-та година, смета шефот на стратегијата за инвестирање во акции на „Societe Generale“ Ален Бокобза
„Странските инвеститори не треба да се загрижени за валутниот ризик во своите портфолија со акции“, вели Бокобза.
