Скопскиот градоначалник, Коце Трајановски ќе му предложи на Советот на Град Скопје да усвои одлука за испраќање парична помош во вредност од еден милион денари, по катастрофалниот земјотрес што го погоди Непал во саботата.
Градоначалникот Трајановски испрати телеграма со сочувство за загинатите во земјотресот, се вели во соопштението.
Според последните официјални податоци, бројот на загинати во разорниот земјотрес што го погоди Непал се искачи на 3.128.