И покрај напорите направени за да се реши проблемот со давање неточни податоци, се чини дека компанијата OpenAI ќе има повеќе работа за подобрување на ChatGPT по ова прашање, барем кога станува збор за Европската унија.
Работната група на организацијата за заштита на приватноста на Европската унија рече дека неодамнешните напори на OpenAI да го ублажи ризикот од неговиот широко популарен чет-бот ChatGPT да произведе фактички лажни резултати не се доволни за да се обезбеди усогласеност со правилата за податоци на ЕУ.
Прашањето за „халуцинирање“ на податоци со вештачка интелигенција е сложена работа, за која веќе пишувавме.
„Иако преземените мерки за усогласување со принципот на транспарентност се корисни за да се избегне погрешно толкување на резултатите од ChatGPT, тие не се доволни за усогласување со принципот на точност на податоците“, се вели во извештајот на споменатата работна група, објавен во петокот на нивната веб-страница, наведува Ројтерс.
Заедничките истраги од националните власти за надзор на приватноста на ЕУ сè уште се во тек, се вели во извештајот, додавајќи дека затоа сè уште не е можно да се даде целосен опис на резултатите.
