Министерот за животна средина и просторно планирање, Нурхан Изаири, денеска ќе одржи состанок со градоначалниците на Тетово, Кичево, Битола, Кавадарци и Скопје во врска со загадувањето на воздухот.
На средбата ќе стане збор за појавата на епизодите со високи концентрации на PM10 честичките, како и за активностите кои треба да се преземат од страна на надлежните институции со цел подобрување на квалитетот на воздухот на територијата на Република Македонија.
Изминатиот период повеќе градови во Македонија се со загаден воздух, што директно се одразува и врз здравјето на луѓето.
