Во рамки на прославата од Стогодишнината од Првата светска војна (1915 – 1918), во соработка со Францускиот институт Скопје, во сабота, во 13.30 часот во галерија Остен ќе се отвори изложбата „Фронтот во Република Македонија“.
Изложбата се состои од 12 документарни паноа, кои преку фотографија и текст (на француски и на македонски јазик) ги документираат случувањата во Република Македонија за време на Првата светска војна.
Изложбата ќе ја отвори Лоран Бове, претседател на регионот Долна Нормандија, а присутна ќе биде и Н.Е. Лоранс Оер, амбасадор на Франција.