Дали ви е веќе здодевно од купувањето на разни скапи, често неефикасни креми за лице? Пробајте со овие намирници да дојдете со совршена кожа…
Црвени бабури
Црвените бабури можат да се јадат готвени или сирови. Една ваква пиперка содржи 100 проценти од дневните потреби за витамин Ц. Исто така, влакната и витаминот Б6 во пиперката, а особено каротеноидот спречува појава на брчки, ја забрзува циркулацијата на крвта и спречува појава на акни. Една пиперка има околу 30 калории.
Црно чоколадо
Богато со антиоксиданси, масни киселини и флавоноиди кои на кожата и даваат сјај.
Антиоксидансите ја штитат кожата од штетното влијание на сонцето, додека какаото ги опушта артериите.
Лосос
Лососот е намирница која го намалува стресот, напнатоста и депресијата, и ги обезбедува дневните потреби за витамин Д. Како што знаете, тој витамин е одговорен за здравјето на срцето, коските, цревата и мозокот.
Кокосово масло
Кокосовото масло е едно од најбогатите извори на заситени масти.
Содржи лауринска киселина, која е моќно антибактериско средство кое спречува вируси, инфекции, воспаленија и акни.
Особено добро е за тироидната жлезда.
Зелен чај
Овој чај е голем извор на антиоксиданси и есенцијалната амино-киселина Л-теанин, која помага во релаксацијата на организмот и го намалува стресот.
Спанаќ
Богат е со железо, фолна киселина, хлорофил, витамин Е, магнезиум, и витамините А и Ц
Семки
Семките од сончоглед и тиква имаат големо количество на селен, витамин Е, магнезиум и протеини.
Целер
Многумина го потценуваат овој зеленчук, но тој е богат со витаминот К кој е важен за добрата циркулација и намалувањето на високиот крвен притисок. Содржи натриум, калиум и вода и помага при дехидрираност. Препорачано е да го консумирате ако не секој, барем секој втор ден.