Агенцијата за филм на Македонија со свој штанд во рамките на Location Pavilion на големиот маркет Japan Content Showcase 2015 во период од 20-ти до 22-ри октомври ќе ја промовира Македонија како дестинација за снимање филмови и поволностите кои земјата ги нуди за реализација на филмски, односно телевизиски проекти како што се правото на поврат, ниските даноци и сл.
Воедно, во склоп на претставувањето, Агенцијата ќе ги промовира и копродукциските можности во кои Македонија учествува со малцински финансиски удел.
Japan Content Showcase претставува мултимедијален маркет наменет за претставници од филмската, телевизиската, музичката индустрија и др. сродни индустрии, на кој ќе присуствуваат претставници од целиот свет.
Овој маркет се одржува во рамките на програмите на Токискиот филмскиот фестивал TIFF (Tokyo International Film Festival), заедно со TIMM (Tokyo International Music Market), TIFFCOM (Affiliated market of the Tokyo International Film Festival -TIFF) и TIAF (Tokyo International Anime Festival).
