Нови 30 наслови беа промовирани во четврток во рамки на едицијата „Ѕвезди на светската книжевност“.
„Сите дела имаат значаен придонес и на уникатен начин го збогатуваат македонскиот книжевен фонд. Оваа 12-та промоција на едицијата ’Ѕвезди на светската книжевност’ нека нè потсети дека писменоста е благослов кој го овозможува човековиот напредок“, рече премиерот Никола Груевски на промоцијата.
Според министерката за култура Елизабета Канческа-Милевска, сега најдоброто од светската литература е достапно за македонските граѓани.
„ Бидејќи преку овие книжевни оствaрувања тие добиваат можност да ги осознаат врвните вредности на современите класици, познатите бестселери, мемоарите, избраните дела, наградените дела на познатите добитници на светските признанија, вредностите на наследеното светско книжевно богатство…“, рече Канческа-Милевска.
Во рамки на проектот, досега се преведени 472 од предвидените 560 книги.