Денис Остин, познат фитнес тренер, изработи своја програма вежби за бремените жени. Ова се безбедни и забавни вежби во кои не постои голем напор и товар за телото, тие се здрави 20-минутни кардио вежби кои ја зголемуваат енергијата во телото и се погодни за изведување во текот на целата бременост, така што се прилагодени исклучиво за бремените жени.
Зголемете ја енергијата, ослободете се од стресот, согорете неколку калории и тонирајте го вашето тело во текот на бременоста. Доколку редовно ја применувате, оваа програма ветува одлична релаксација, силно и здраво тело кое полесно ќе се справи со породувањето, поради тоа што при вежбањето се зголемува еластичноста на мускулите.
Вежбите може да ги применуваат сите жени без здравствени компликации во текот на бременоста. Нормално, советувајте се со вашиот доктор доколку се сомневате во нешто.
Вежбајте ја програмата, пијте големи количества вода и уживајте во бременоста…
