Досега веројатно сте прочитале и научиле безброј факти за дебелината, погрешната исхрана, последиците од неумерното јадење и пиење, лошото комбинирање на намирниците… Поради тоа нема да се повторуваме. Доволно е само да ве потсетиме на златните правила од кои во голема мера зависи дали ќе го изгубите вишокот килограми или не.
– Сменете го начинот на исхрана
– Намалете ја дневната количина на храна
– Вежбајте, движете се, бидете физички активни
– За почеток јадете повеќе овошје, зеленчук, риба, морски плодови и бело месо
– Наместо белиот шеќер (доколку не можете без благиот вкус), конзумирајте ги здравите замени за шеќерот.
– Наместо бел леб, јадете црн или `ржан или интегрален. Најдобро е да се воздржите од леб, извесно време, а за замена конзумирајте варен компир или интегрален ориз
– Дозволено е немасно млеко, никако полномасно
– Можете да пиете вода, лимонада без шеќер, кафе и чај по можност без шеќер и кисела вода повремено
– Денот поделете го на три оброка и две ужини
– Внимавајте помеѓу оброци да има временско растојание од најмалку два часа
– Јадете полека и уживајте во секој залак
– Намалете ја количината на храна за една третина, по можност и за половина од претходно
Внимание:
Исфрлете од менито:
– производи од бело брашно
– бел шеќер
– вештачки засладувачи
– алкохол
– газирани пијалоци
– овошни сокови
– грицки, чипсови
– похувано или пржено месо
– колбаси, паштети и сувомесни производи
– свинско месо
– пилешка кожа
– свинска маст
– полномасна павлака
– мајонез
– сосови
– колачи
