Најновите блокади најавени во Европа во последниве денови за спречување на ширењето на коронавирусот предизвикуваат бран на деградирање на економскиот раст, бидејќи ограничувањата на активностите се закануваат на закрепнувањето на Kонтинентот.
Економијата во еврозоната сега се очекува да се намали за 2,3% во четвртиот квартал од оваа година, според економистите анкетирани од „Financial Times“. Оваа прогноза е полоша од претходната пред објавувањето на ограничувањата.
Европскиот валутен блок се опоравува од рецесијата предизвикана од коронавирусот поради целосната блокада во пролетта. За трите месеци до крајот на септември е забележан рекорден раст на бруто домашниот производ од 12,7%, покажуваат податоците на „Евростат“ објавени во петокот. Сепак, производството е сè уште далеку под нивото на пред-пандемијата.
Податоците, заедно со голем број нови ограничувања објавени во Франција, Германија и другите земји во последниве денови, поттикнуваат многу економисти да ги ревидираат своите очекувања. Истражувањето на „FT“ спроведено на 18 економисти од водечки банки и институции покажа дека сите освен еден очекуваат економијата на еврозоната повторно да се намали во последниот квартал од годинава. Повеќето претходно предвидуваа позитивен раст.
Активноста во некои сектори сè уште не е вратена на нивото пред кризата, така што овој пат падот нема да биде толку силен како во вториот квартал.
Централната банка на Велика Британија се очекува да прогнозира подоцна оваа недела дека летниот скок на Велика Британија е послаб од очекуваниот, и дека производството во најдобар случај ќе забележи минимален раст во четвртиот квартал и дека економскиот ќе биде подлабок и подолготраен отколку што се очекуваше. Втората национална блокада беше најавена во земјата во саботата, бидејќи сите не-клучни бизниси нема да работат и сите посети ќе бидат откажани во наредниот месец.
Кристијан Келер, главен економист во „Barclays“, рече дека изгледите за економијата се релативно добри, но повторното затворање на некои економии веројатно ќе ја врати економијата на еврозоната кон негативен раст.
Бројот на лица заразени со коронавирусот во Европа продолжува рапидно да расте, покажуваат податоците на Европскиот центар за превенција и контрола на болести. Уделот на случаи во Белгија, најпогодената земја во ЕУ, се зголеми. Од денес има делумна блокада во земјата. Процентот на заразени во Чешка, втората најпогодена земја во ЕУ, се зголемува од 1.513 на 1.561 на 100.000 луѓе, а во Словенија и Луксембург сега е повеќе од 1.000 на 100.000 луѓе.
Во Франција, каде започна втората национална блокада во петокот, бројот на случаи се зголеми од 706 на 742 на 100.000 луѓе, во Велика Британија од 438 на 460 на 100.000 и во Германија, каде стапи на сила и делумна блокада, од 182 на 206 на 100.000 луѓе.
И покрај зголемувањето на случаите, новите мерки се помалку строги од наметнатите напролет. Компаниите се подобро подготвени да се справат со падот, што значи дека економистите очекуваат новиот економски пад да биде поблаг отколку во првата блокада. Економското производство во еврозоната падна за 15% во првата половина на 2020-та година.
Катарина Утермал, економист во „Allianz“, рече дека компаниите „стекнале искуство во навигација со строгите ограничувања на блокирање“. Синџирите на снабдувачи на производители останаа релативно недопрени и извозот се опорави. Покрај тоа, „активноста во некои сектори сè уште не е вратена на нивото пред кризата, така што овој пат едноставно не може да падне толку многу“, додаде Ендру Кенингем, економист во „Capital Economics“.
Германскиот министер за надворешни работи Хајко Маас за весникот „Tagesspiegel“ изјави дека границите на земјата „ќе останат отворени“, иако новите ограничувања забрануваат незначително движење меѓу градовите и престојот во туристичките хотели.
Во Франција, малите бизниси се жалат дека блокирањето е добро за продавниците со големи ланци, хипермаркетите и трговците на мало преку Интернет, како што е „Аmazon“. Владиниот список на големи бизниси што може да остане отворен вклучува продавници за храна, продавници за вино, продавници за поправка на велосипеди и продавачи на компјутери и мобилни телефони, но исклучува книжарници, цвеќарници, продавници за облека и играчки, токму кога започнува клучната Божиќна сезона за шопинг.
Бруно Ле Мер, министер за финансии на Франција, минатата недела рече дека очекува економската активност да падне за 15% за време на новата блокада – за половина од 30% забележани во првите недели од блокадата на пролет.
