Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 13,096.21 0.01%    GRNT 1,234.43 0.05%    KMB 7,400.11 -0.02%    MPT 78,121.84 -0.92%    OHB 5,200.00 0%    RZTK 690.00 -1.43%    STB 1,210.00 -0.02%    STBP 657.00 0.15%    TEL 321.00 -1.03%    TNB 17,800.00 -0.14%    TTK 1,656.29 -2.57%    USJE 24,215.00 0%    

Бугарка измисли валута, ги собра парите и исчезна

Време: 12:58

Датум: декември 10, 2019

Категорија: ЕКОНОМИЈА

Во средината на 2016 година, кога општата јавност слушна за биткоинот, бидејќи во тоа време, поради ненадејниот пораст на вредноста, многумина се обогатија, се случи вистинска мешаница со криптовалутите. Желбата на луѓето да го фатат возот во навидум ветувачкиот пазар што е можно побрзо, но и фактот дека ниту регулаторните агенции, ниту медиумите не знаеја многу за тоа, во голема мера шансата ја искористи бугарката Ружа Игњатова (39). Во тоа време, истакната деловна жена со докторат на Оксфорд, организирала гламурозен настан на Вембли во јуни 2016 година, ветувајќи дека нејзината криптовалута ќе го однесе биткоинот во заборав.

Лековерните британци веќе инвестирале 30 милиони евра во нејзиниот „OneCoin“ во првата половина на 2016 година, покажале податоците до кои дошле од BBC. Од август 2014 година до март 2017 година, луѓе од десетици земји, од Бразил и Канада преку Норвешка и Јемен до Индија и Кина, потрошиле четири, а според некои проценки, можеби дури 15 милијарди евра за новата криптовалута.

“Криптокралицата”, како што се претставувала Игњатова, заборавила да им каже една важна работа. За разлика од биткоинот, кој во основа има “блокчејн технологија” – комплексна ИТ структура што ја запишува трагата на секоја трансакција, поради што ја стекна довербата на технолошко образованата заедница, нејзината валута немала никаква поддршка.

Четири месеци по собирот на „Вембли“, бугарската компанија “OneCoin” се обратила на експерт кој требало за голема плата, стан и автомобил, накнадно да изгради блокчејн технологија, но тој одбил, разбирајќи ја големината на измамата. Сепак, ова не ги спречи бугарскиот стартап и Игњатова да продолжат да ја продаваат приказната за новата криптовалута која требаше да го “погреба” биткоинот.

За разлика од биткоинот, кој може да се продава во секое време за вистински пари (вредноста варира во зависност од понудата и побарувачката), во случајот со “OneCoin” тој момент постојано се одложувал. Прашањето требало да биде решено на собирот во Лисабон во октомври 2017 година. Игњатова, на изненадување на многумина не се појавила, но не затоа што, како што се сомневаа наивните членови, дека таа била киднапирана од банкари заради финансиската револуција што ја подготвува. Истрагата на ФБИ открила дека таа тоа време отпатувала од Софија во Атина и оттогаш и се изгубила трагата. Според една теорија, таа добила руски или украински пасош и има заштита од најмоќните Бугари. Друга теорија е дека таа со операција комплетно го сменила својот изглед и живее во Лондон, Грција или можеби Франкфурт.

На BBC радио долго време се емитувала емисија за измамничката која изиграла толку многу Британци. Луѓето инвестирале стотици илјади евра и ја следеле нивната инвестиција на веб-страницата, планирајќи како да ги трошат своите профити. Истражувајќи ги индициите од Бугарија до Уганда, новинарите открија „совршена измама“. Измамата се состоела од лажна валута и секташко регрутирање на луѓе во шемата на пирамидата, и поради неколку фактори, работела совршено во првите години: фасцинација од можностите на технологијата, страв да не се испушти шанса за лесна заработка, недоверба кон естаблишментот и традиционални медиуми. Покрај тоа, д-р Игњатова била личност која влевала доверба. Кога држела говор на самитот на ЕУ и Југоисточна Европа во 2015 година во организација на магазинот „Економист“, таа била претставерна како сопственик на компанија која нуди „иновативен пристап на инвестирање и вршење трансакции“, со магистерска диплома од германскиот универзитет во Констанц и докторат по право на Оксфорд.

Се уште има расправа за тоа дали Ружа Игњатова е само параван позади кои стои сериозна криминална група. Има мислење дека таа не планирала мултимилионска измама и дека се обидела да запре сè во еден момент, но дека „темните сили“ не и дозволиле, поради што и исчезнала. Игор Албертс, експерт за мултилевел маркетинг кој бил вклучен во бизнисот, зборува за вмешаност на многу влијателни луѓе, но не сака да открива детали „за да не ја загрози безбедноста на семејството“.

Американското министерството за правда тврди дека има докази дека братот на Ружа, кој ја презел работата по нејзиното исчезнување, е поврзан со значајни луѓе во светот на организираниот криминал во Источна Европа. Константин Игњатов бил уапсен во март во Лос Анџелес и се нагодил со обвинителството, ветувајќи соработка. Тој бил обвинет за измама со криптовалути, а во исто време бил обвинет во отсуство за измама со хартии од вредност и за перење пари.

Најчудно од се е што компанијата сè уште работи со тоа што негира каква било измама и дека луѓето инвестираат пари, пишуваат авторите на BBC, кои  пролетта биле во Софија. Британскиот регулатор за финансиски пазари во 2016 година издаде предупредување за „OneCoin“, но по нецела година беше отстрането од страницата, по што промоторите продолжиле да организираат конференции. Лондонската полиција ја затвори двегодишната истрага, заклучувајќи дека компаниите и поединците не биле под јурисдикција на Велика Британија и дека не постои имот на британската територија за да ги надомести жртвите.

Кога британските новинари ги прашале некои од првите инвеститори што ги привлекло, тие како главна причина го наведоа стравот.

Од оваа “секташка пирамида” на бугарката Ружа Игњатова, голем број на луѓе беа измамени и во нашава држава, давајки ги своите пари во кеш на некои таканаречени посредници, кои потоа им даваа пасворд за да си ја следат нивната инвестицијата.

 

КОМЕНТАРИ

НАЈНОВО ОД КАТЕГОРИЈАТА

  • Градот Скопје почна да ги применува измените за прeвоз со еколошки такси возила

    Градот Скопје почна да ги применува измените за прeвоз со еколошки такси возила

    Градот Скопје почна да ги применува измените на законот за превоз со еколошки такси возила. Од Градот велат дека со измената и дополна на Законот…

  • Отстранети 224 непрописно паркирани возила од јавните површини

    Отстранети 224 непрописно паркирани возила од јавните површини

    Во текот на изминатата недела со специјалните возила пајак се подигнати 224 возила од јавните површини, информира Град Скопје. Од вкупниот број непрописно паркирани и…

  • Во Охрид вторпат се одржува обука за сомелиери

    Во Охрид вторпат се одржува обука за сомелиери

    Во организација на Македонската асоцијација на сомелиери – МАСОМ викендов во Охрид се одржува втората од предвидените неколку професионални сомелиерски обуки. Обуката почнува денеска со…

  • Крводарителска акција посветена на Тоше Проески

    Крводарителска акција посветена на Тоше Проески

    Традиционално по шестнаесетти пат денеска ќе биде организирана крводарителска акција посветена на големиот хуманист Тоше Проески во знак на одбележување на неговиот роденден, соопшти Црвениот крст на…

  • Од утре повремени врнежи од дожд, а на повисоките планини снег

    Од утре повремени врнежи од дожд, а на повисоките планини снег

    Времето во западните делови во земјава денеска ќе биде претежно облачно, а во источните сончево со умерена облачност. По одделни котлини ќе има услови за…

  • Царовска: Имаме зголемување на платите кај повеќе од 106 илјади работници за декември

    Царовска: Имаме зголемување на платите кај повеќе од 106 илјади работници за декември

    За декемвриската плата имаме зголемување кај повеќе од 106 илјади работници во нашата држава, со што е остварен таргетот помеѓу 20 и 25 проценти од…

  • Директорот на JPMorgan Chase заработи 31,5 милиони долари во 2019 година

    Директорот на JPMorgan Chase заработи 31,5 милиони долари во 2019 година

    Главниот извршен директор на американската инвестициска банка JPMorgan Chase, Џејми Димон, добил покачување од половина милион долари за 2019 година, со што неговата вкупна заработка…

  • Јаглеродниот диоксид во атмосферата ќе достигне највисок раст од 1958 година

    Јаглеродниот диоксид во атмосферата ќе достигне највисок раст од 1958 година

    Количеството јаглероден диоксид во атмосферата оваа година ќе го означи еден од најголемите годишни порасти од почетокот на мерењето во 1958 година и поради австралиските…

  • Вработувања за најдобрите студенти на УКИМ во Агенцијата за национална безбедност

    Вработувања за најдобрите студенти на УКИМ во Агенцијата за национална безбедност

    Дел од најдобрите студенти од општетствените и техничките факултети на Универзитетот „Св. Кирил и Методиј“ во Скопје ќе можат да најдат вработување во Агенцијата за национална безбедност. Тоа…

  • Ајфеловата кула целосно затворена поради штрајкот на синдикатите во Франција

    Ајфеловата кула целосно затворена поради штрајкот на синдикатите во Франција

    Нанесувајќи им силен удар на туристите, повеќето обележја во Париз се затворени поради масовните протести против законот за реформи во пензискиот систем. „Поради национален штрајк,…