Мјузиклот „La La Land“ триумфираше на годинешното 70-то доделување на наградата на Британската академија за филмска и телевизиска уметност (British Academy of Film and Television Arts -, BAFTA), кое се одржа во неделата вечерта во лондонски „Алберт хол“, освојувајќи ги признанијата за најдобар филм, најдобра режија за Демиен Шазел и за најдобра главна женска улога за Ема Стоун, а притоа долгогодишниот водител на церемонијата Стивен Фрај се пошегува дека победниците ги избрале „руските хакери“.
Кејси Афлек, за улогата во дрмата „Манчестер крај морето“ (Manchester by the sea) е награден за најдобар актер во главна улога. Овој филм ја освои наградата на BAFTA и во категоријата најдобро сценарио.
Наградата за најдобра женска споредна улога ја доби Виола Дејвис за американската држава „Fences’ во режија на Дензел Вашингтон. Најдобар актер во машка споредна ролја, пак, е Дев Пател во филмот „Лав“ (Lion) во кој го толкува ликот на Сару, дете од индискиот мегалополис Колката (Калкута) кое го губи семејството и е посвоено во Австралија а по 25 години ја пронаоѓа мајка си.
Наградата за најдобра ѕвезда во подем му припадна на Том Холанд. BAFTA за најдобро адаптирано сценарио ја доби Лук Дејвис за „Лав“, а најдобар документарен филм е „13-th“ на Ава Мари ДуВернеј. Најдобар цртан филм е „Кубо и волшебниот меч“ на режисерот Тревор Најт.
За најдобар британски филм е прогласен „Јас, Даниел Блејк“ на Кен Лоуч, а за најдобар филм од неанглиското говорно подрачје (или странски) е прогласен „Синот на Саул“, на унгарскиот режисер Ласло Немеш.
Годинешната јубилејна церемонија на доделувањето на најпрестижните британски филмски награди која 12-ти пат ја водеше познатиот актер и шоумен Стивен Фрај, пред околу две илјади поканети гости.
„Па, ајде да видиме кого тоа Русите ги избраа за победници“, се шегуваше во свој стил Фрај на отворањето на свечената церемонија пред доделувањето на признанијата.
