Денес во 20 часот ќе биде отворена изложбата на фотографии Авантура 2017 на здружението за спорт и рекреација „Прв до врв“.
Во НЛБ галерија од 1-ви до 5-ти февруари ќе бидат изложени повеќе од 80 селектирани фотографии од досегашните настани и активности кои има организирано здружението во изминатите десет години, претставувајќи ја богатата архива на фото документи снимени на различни локации во природа на спортски манифестации низ Македонија.
Воедно на отворањето на изложбата ќе биде промовирана програмата на активности и настани за 2017 година.
