Големата замена на парите како основен метод за плаќање на корисниците е тема која постојано се повторува. Со напредокот на технологијата, како безконтактните картички или новите средства за плаќање, како ApplePay, сите ја гледаме смртта на „кешот“.
Но тврдењата за општество без готовина најверојатно ќе останат само тврдења, барем во блиска иднина.
60% од плаќањата е во готовина
Европа е добар пример за значењето што корисниците се уште се оддаваат на парите во готово. Според статистиката на Европската централна банка (ЕЦБ), парите во готово се уште сочинуваат 60% од плаќањето на операции во ЕУ и тоа ги прави најкористеното средство за плаќање.
Покрај тоа парите во готово во Европа расте, во последните десет години тие се зголемија двапати. Прометот им се зголемува за 13% секоја година од 2002-ра година, покажуваат уште податоците на ЕЦБ.
Анонимни и не толку ризични
Што е објаснувањето за успехот на парите во кеш? Тие не само што се анонимни, но и се целосно слободни. Покрај тоа парите се даваат веднаш и ризикот е помал, отколку кај кој и да е начин за плаќање.
Но иако користењето на парите во готово во апсолутна вредност се зголемува, стапката на кешот на паричните пазари треба да се намали значително во годините што доаѓаат.
Очекуваниот пад се должи на постојаното зголемување на начините за плаќање, кои се појавуваат во изминативе години. Процентот на плаќањето со готовина се намалува за сметка на електронското плаќање, иако падот на вкупниот микс на исплата е релативен.
Иако несомнено електронското плаќање поттикнува помалку користење на парите во готово, има разлика помеѓу намалување на популарноста и целосното исчезнување.
Новите методи за плаќање даваат голем избор на клиентите, што е добро. Но тоа не станува нужно за сметка на парите во готово. Картичките и дигиталните средства за плаќање може да се натпреваруваат и кешот да продолжи да постои.
Илјадници банкноти се повлекуваат секоја секунда
Со над 420.000 американски долари, повлечени секоја секунда од банкомат или автоматски стоп во банка во целиот свет, и околу 140 милијарди евра, повлечени од банкомат секоја година, тешко може да се замисли парите во готово да исчезнат наскоро.
Поверојатно е кешот да продолжи да се користи и да се смета од страна на корисниците во целиот свет за сигурен и докажан платежен метод.
