Министрите за финансии и централните банкари на земјите од Г20, кои ќе се состанат во Кина за време на викендот, треба да договорат широк пристап за поддршка на побарувачката на клиентите, ограничување на долгот на приватниот сектор и спроведување на структурни реформи за да се изборат со продлабочените ризици пред растот, коментира Меѓународниот монетарен фонд (ММФ).
Во извештај до министрите за финансии и гувернерите на централните банки на земјите од Г20, кои се собираат во Чанду, ММФ вели дека намалувањето на неизвесноста околу британското излегување од Европската унија (ЕУ) ќе помогне за ограничување на неповолното влијание.
„Силна и предвидлива транзиција кон нов вид односи меѓу Британија и ЕУ, кои ја задржуваат до максимална степен придобивките од трговијата, е исклучително важно. Иако несигурноста околу излезот од преговорите останува, централните банкари треба да се подготвени да дејствуваат решително, ако турбуленциите на финансиските пазари се закана за глобалните перспективи“, вели ММФ.
Коментарот кон Г20 доаѓа откако во вторникот ММФ повторно ги намали прогнозите за глобалниот раст поради несигурноста во резултатите од гласањето за „Brexit“ на 23-ти јуни до 3,1% за 2016-та година и 3,4% за 2017-та година – со 0,1 процентен поен за секоја година.
Иако ММФ вели дека краткорочното пребарување е потреба од долготрајна поддршка, Фондот ги повика и официјалните претставници да се фокусираат на политиките кои го поддржуваат среднорочниот и долгорочниот раст, на пример оние кои ја олеснуваат корекцијата на сметководствените биланси на банките и компаниите, и да го реформираат пазарот на труд и бизнис средината.
Фондот вели дека Кина треба да се прилагоди на макроекономските политики кон умерено забавување на економскиот раст, вклучувајќи и преку ограничување и проширување на кредитите и преминување од надорешнобуџетски инвестиции кон буџетски мерки кои ја поддржуваат потрошувачката.
„Кина мора да ги извршува своите планови за дополнителна либерализација на економијата, додека ја надмине се уште широко распространета мрежа на пазарна дисторзија. Потребни се претежно подрски реформи на државните претпријатија, на пример воведување на строги буџетски ограничувања и отворањето на доминација на државниот сектор на услуги“, додава ММФ.
Во ера на зголемување на антитрговските расположенија, ММФ вели дека централните банкари на земјите од Г20 треба да го „оживеат духот на многустраноста и глобализацијата“, вложувајќи напори да се осигура дека комерцијалните придобивки се уште се широко споделени.
„Тоа значи да се обрне итно внимание на проширување на придобивките од глобализацијата, ограничување на трошоците, преземањето на олеснителни мерки за засегнатите работници и на напорите за интеграција на скептичните членови на општеството“, вели уште Фондот, додавајќи дека слични напори ќе бараат употребата на повеќе јавни средства.
