Индустриското производство на Кина останува стабилно во мај, додека продажбата на мало и урбаните инвестиции неочекувано се успоруваат, зголемувајќи ги сомнежите дали втората најголема економија во светот се стабилизира по разочарувачкото прво тримесечје.
Продажбата на мало се зголеми за 10% на годишна основа во мај, објави „Ројтерс“, повикувајќи се на податоците на Националната статистичка служба во Пекинг по раст од 10,1% во април. Тоа е најнискиот пораст во последните 10 месеци, пресметува „Trading Economics“.
Индустриското производство се зголемува со 6% во споредба со една година порано, останувајќи на непроменето ниво во споредба со април, но е пониско од очекувањата на економистите за раст од 6,1%, пишува „MarketWatch“.
Во последната година растот на индустриското производство на Кина се колебаше меѓу 5,5% и 6,5%, што е половина помалку во споредба со набљудуваните нивоа на производство пред неколку години.
Растот на инвестициите во фиксни средства се забавува нагло до 9,6% на годишна основа во периодот јануари-мај во споредба со 10,5% во првите четири месеци од годината. Просечната прогноза на економистите беше за раст од 10,5%.
Според податоци на Светската банка показателите за раст покажуваат дека индустриското производство формира до 40% од вкупниот БДП на земјата.
Се уште има многу неповолни ветрови во втората најголема економија во светот, меѓу кои се способноста на финансискиот систем да се справи со задолженоста по децении на брзорастечки долг. Во моментов долгот стекнат од кинеските банки, се пресметува на околу 1,7 илјади милијарди долари.
Слабата надворешна побарувачка за кинески стоки и услуги исто така се претвора во голем проблем за Кина, додека извозот забележува надолен тренд повеќе од една година.
