Претпремиера на филмот Star Wars The Force Awakens се одржа вчера вечер во киното Cineplexx.
Фановите на оваа филмска сага можеа да го погледнат новото продолжение на „Војна на ѕвездите: Силата се буди“ два дена пред официјалната промоција во САД, а според првичните реакции, овој филм веројатно ќе собори многу рекорди на бокс офисите.
Приказната започнува 30 години подоцна, кога од урнатините на Империјата се појавува Новиот Поредок и мистериозниот Кајло Рен. Хан, Леа и Лук мора да ги здружат силите со младите надежи со цел да ја сопрат оваа закана за мирот на галаксијата.
Филмот од четврток е на редовниот репертоар во скопските кино сали.
