Шпанија ќе изгуби многу ако каталонските сепаратисти успешно го исполнат својот план за одвојување, коментира „Politico“.
Каталонија формира само околу 6% од територијата на земјата и 16% од нејзиното население, или 7.45 милиони луѓе.
Во исто време, сепак, таа придонесува една петтина од економскиот резултат, а тоа изнесува 215,6 милијарди евра од вкупниот број. Регионот, исто така, е одговорен за четвртина од извозот, кој изнесува 65,2 милијарди евра.
Исто така, вреди да се забележи дека повеќе од половина од новите почетни инвестиции во 2016-та година се случиле во Каталонија, во износ од 371 милиони евра.
Меѓу другото, во регионот се речиси една третина од шпанските освојувачи на олимписки медали во Рио, како и шест од репрезентативците од Евро 2016-та година.
Регионот, исто така, привлекува голем број туристи, па речиси 18 милиони луѓе го имаат посетено во 2016-та година.
Поборниците на независноста ќе се состанат во денеска во Барселона за да го прослават Националниот ден на Каталонија. Тоа се случува непосредно пред референдумот за независност кој е закажан на 1-ви октомври, кој го свика локалната власт во контрадикција со Мадрид и Уставниот суд. Владата на шпанскиот премиер Маријано Рахој вети дека ќе стори сé што е во негова моќ за да спречи гласањето да се случи.
Иако повеќето Каталонци не веруваат дека независноста е совршена опција за иднината, неподготвеноста на Мадрид да преговара сепак може да доведе до победа на сепаратистите на референдумот.