Граничниот премин Евзони на македонскогрчката граница се уште е затворен за сообраќај, а останатите два премина Меџитлија кај Битола и Дојран се отворени, информира утрово Авто мото сојузот на Македонија.
Транспортот на патници и стока се одвива преку другите два премина, Дојрани- Дојран и Меџитлија-Ники.
За да се избегне нафтена криза, цистерните влегуваат преку Меџитлија празни, а полни се враќаат во земјава преку Бугарија.
На патиштата низ државата нема забрани и сообраќајот се одвива по наместа влажни коловози. Магла со видливост од 50 до 100 метри има на патниот правец село Лисец Попова Шапка и на планискиот превој Стража.