AutoBest се прошири од 15 на 26 земји и стана независно автомобилско новинарско жири со најголема застапеност во Европа.
Ова е нова фаза од стратегијата инаугурирана минатата година. Сите нови 11 членови на жирито се истакнати автори почитувани во своите земји и експерти за автомобили кои се во можност целосно да ги согледаат идните трендови. Тие доаѓаат од Австрија , Белгија, Франција, Ирска, Италија, Холандија, Норвешка, Португалија, Шпанија, Шведска и Велика Британија. Со нив, 91% од населението на Европа е застапено во жирито, а AutoBest и понатаму ќе ја задржи истата практика еден новинар да претставува една земја.
„Се наоѓаме пред историски момент во нашата еволуција и го прошируваме концептот ‘Best-Buy автомобил во Европа’ на континентална големина. Секој го очекуваше ова од нас – тоа е процес што тече. Ќе продолжиме со проширувањето со нови земји, но и со еволуирањето на правилата и наградите. Ќе го задржиме фокусот на нашата мисија и визија, учејќи и оценувајќи ги новите автомобилски трендови и потребите на клиентите со кои се соочуваме сега и во иднина,“ изјави Дан Варди, основач и претседавач на жирито.
Проширеното жири веќе започна со работа, со своето гласање за наградите. Најголемата промена во правилата на жирито годинава се однесува на минималната цена потребна новите модели автомобили да се квалификуваат за изборот. Почнувајќи од годинава, таа се менува и наместо 17.000 евра со вклучени давачки ќе изнесува 20.000 евра, цена во која нема да биде пресметан било каков вид даноци и ќе важи за следната награда AutoBest. Ова ќе овозможи да се разгледаат и оценат поголем број автомобили прифатливи за купувачите во Европа.
Организацијата AutoBest беше создадена во 2001 година, со револуционерен концепт за избор на Best-Buy автомобил достапен на европските пазари. За да стане AutoBest победник, автомобилот мора да биде најдобра понуда за повеќето европски купувачи. Цената, сервисната мрежа, дистрибуцијата на резервните делови и разновидноста се најважните критериуми во процесот на гласање, а исто и дизајнот и новите високотехнолошки додатоци се важни. При одлучувањето за победникот, AutoBest користи транспарентен систем на гласање со сложена шема од вкупно 13 критериуми.
AutoBest жирито исто така посветува внимание и на напорите на автомобилската индустрија. Инвестициите, новите можности за работа на луѓето, трошењето средства за зелени автомобили и технологии, поддршка на различни региони во Европа и сличните активности внимателно се следат и оценуваат од страна на жирито. И новите технологиите во автомобилите и можноста за поврзување исто така се под лупа на жирито. Сé на сé, 8 награди се посветени на споменатите достигнувања: ManBest, CompanyBest, EcoBest, DesignBest, TechnoBest, SafetyBest, SmartBest и SportBest.
„Кога ја воведовме EcoBest наградата пред 14 години, многумина ни кажаа дека никому не му е грижа за еколошките прашања. Денес нашата награда со нетрпение се очекува и е една од најпочитуваните во областа. ManBest и DesignBest се вистинска алеја на славните за најдобрите врвни менаџери и дизајнери што индустријата ги има денес. SmartBest, воведена пред три години, беше првата европска награда за оценување на паметните поврзување и инфозабавни системи. Сите овие награди воведени најпрво од AutoBest жирито станаа европски признанија. А патувањето продолжува…“, изјави претседателот на жирито Илија Селиктар.
AutoBest го воведе и најдобро организираниот споредбен тест на автомобилите во финалниот избор. Организиран во NAVAK центарот во близината на Белград, тестот се извршува на јавни патишта и затворена патека и е најсеопфатен таков организиран од страна на независно автомобилско жири.
Гала церемонијата на доделувањето на AutoBest наградите е најважниот независен автомобилски настан на годината во Европа. Година по година, свеченоста ги собира заедно врвните луѓе од различни компании. Така, таа стана единствениот европски годишен настан каде што конкурентите се собираат на иста маса со големо задоволство. Доделување на наградите еволуираше за овие 15 години од свечени вечери на локации со пет ѕвездички во европски гала настан со уметничка содржина од светска класа, гурманско мени и уникатно големото финале за AutoBest наградата. Повеќе клиенти од цела Европа се во контакт со лотаријата организирана од AutoBest која ќе им овозможи да учествуваат на гала вечерта.
Членови на AutoBest жирито:
Австрија – Gerhard Kuntschik, Salzburger Nachrichten
Белгија – Xavier Daffe, Le Moniteur Automobile
Бугарија – Ilia Seliktar, Autopress
Хрватска – Ozren Adamovic, Auto Magazine
Кипар – Petros Soutzis, Freelance
Чешка Република – Vladimir Rybecky, Autoservis & Oldtimer Magazines & MotorSportING
Франција – Jean-Eric Raoul, L’Auto-Journal & Sport Auto
Грција – Ioannis Stavropoulos, Motori Magazine & Business Energy & I Dream Team
Холандија – Rob van Ginneken, Auto Mobiliteit Magazine
Унгарија – Gábor Szécsényi, Az Auto
Ирска – Dave Humphreys, Complete Car
Италија – Gian Luca Pellegrini, Quattro Ruote
Република Македонија – Krumislav Barzov, Avto Magazin & Car Automotive TV Show
Норвешка – Arnstein Landsem, Broom & Amcar & Racing & Norsk Motorveteran Magazines
Полска – Piotr Frankowski, NaTemat.pl & Top Gear Poland & ramp Poland
Португалија – José Caetano, A Bola & Auto Foco & Auto Magazine
Романија – Dan Vardie, Auto Pro & 4×4 Cross Over Magazine
Русија – Maxim Kadakov, Za Rulem Magazine
Србија – Mladen Alvirovic, SAT Plus Magazine & SAT TV Show
Словачка – Rudolf Karpat, Autozurnal
Словенија – Vinko Kernc, Avtofil & Siol Magazine
Шпанија – Joan Dalmau, Schibsted Spain
Шведска – Anders Helgesson, Motor Magazine
Турција – Okan Altan, Automotive Informatics & FASTandBOLD TV & Auto Show
Велика Британија– Peter Nunn, Freelance
Украина – Oleg Vasylevskyi, Auto Bild