Директорот на Европската банка за обнова и развој (ЕБРД) за Украина, Севки Акунер, изјави дека таа банка е подготвена на Украина да и додели уште милијарда евра.
Меѓутоа, како што кажа, за тоа е потребен нов доказ за украинската борба против корупцијата и спроведување на реформи.
„Сметам дека постои консензус меѓу сите меѓународни кредитори во поглед на одлуките да и се помогне на Украина, но само под услови Украина да спроведе реформи“’, изјави Акунер во интервјуто за Ројтерс.
Тој тоа го изјави пред предупредувањето на украинскиот премиер Арсениј Јацењук дека на Киев му се заканува опасност од банкрот ако западните партнери не му обезбедат дополнителна помош.