Украинскиот премиер Арсениј Јацењук ги повика меѓународните кредитори да одржат донаторска коференција.
Како што објасни, целта на конференцијата е собирање на дополнителни средства за Украина за таа да го избегне потенцијалниот банкрот.
„За да преживееме и за да спречиме банкрот потребна ни е меѓунардона донаторска конференција, усвојување на план за закрепнување на Украина на таа конференција и помош од нашите партнери од Западот“, изјави тој.
Јацењук изјави дека Украина изгубила 20 проценти од своите приходи поради ситуацијата во регионите Доњецк и Луганск.
„Околу 20 проценти од нашата економија концентрирани се во регионите Доњецк и Луганск, изгубивме 20 проценти од економскиот потенцијал и девизните приходи“, изјави Јацењук претставувајќи ја програмата на Владата.
Тој додаде дека денес ситуацијата во економијата е посложена отколку пред девет месеци.
„Меѓутоа, најголемата закана е заканата за независноста на Украина“, додаде тој.