Најпродаваното и највлијателно автомобилско списание во Велика Британија – „Auto Express“, објави листа на најдобрите летни гуми за 2016-та година. Тестирана е големината 225/45R17, за на крај уредниците да ги објават резултатите во 10 категории.
Тестовите се изведени на патека, а притоа е употребен ист автомобил. Британците ги испитувале гумите во 10 различни тестови, вклучувајќи управување на суво, запирање на суво, управување и запирање на влажно и лизгање, па така да ги одберат „најдобрите од најдобрите летни гуми на пазарот“.
За тестовите се употребени 11 модели на гуми – „Continental ContiSportContact 5“, „Dunlop Sport BluResponse“, „Michelin Pilot Sport 3“, „Hankook Ventus evo 2“, „Pirelli P Zero“, „Goodyear Eagle F1 Asymmetric 2“, „Yokohama Advan Sport V105“, „Falken FK453 Azenis“, „Bridgestone Turanza T001“, „GT Radial Champiro HPY“ и „Toyo Proxes T1 Sport“.
Лидер во крајниот пласман е „Continental ContiSportContact 5“. Новиот предлог на германскиот производител на гуми заработи прво место во 4 од вкупно 10 категории, а во други 3 заврши на втората позиција.
„Ретко гледаме така одлични перформанси при нашите тестови, но штом почнавме со обработката на резултатите стана јасно дека „Continental“ ќе ја освои титулата. Во четирите триумфи и трите втори места во различни категории немаше како да не ја врачиме главната награда на „ContiSportContact 5“, го коментираат одличното претставување на гумата на „Continental“ експертите од „Auto Express“.
Најдобрите летни гуми
Запирање при сува подлога
Запирање при мокра подлога
Управување на сува подлога
Управување на влажна подлога
Вртење при мокра подлога
Отпор на тркалање
Бучава
Пролизгување
Пролизгување при вртење
Цена