Македонската мрежа на ментори (МММ) денеска го организира вториот менторски појадок на кој ќе учествуваат повеќе од 30 ментори од бизнис секторот, информатиката, политиката и спортот, како и претставинци од владини институции и невладини организации.
Целта е интензивирање на веќе воспоставената соработка меѓу апсолвентите, постдипломците и младите професионалци и бизнис секторот како продолжен облик на неформално образование заради стекнување конкретни, професионални знаења и вештини во различни области. Тоа ќе овозможи подобра, поуспешна подготовка при вработувањето или евентуалното отворање сопствени бизниси.
Македонската мрежа на ментори е непрофитна организација, формирана со слободно здружување на граѓаните заради остварување и усогласување на своите заеднички цели и интереси и заради вршење дејности и активности во ментор-штитеник односите преку споделување професионални искуства, интереси и уверувања на економски, социјални, културни, стручни, технички, образовни, спортски и други полиња, согласно со Законите и Уставот на РМ.
Првиот работен појадок МММ го организира во јануари годинава.
