Културно Уметнички Работници, оваа сабота, ќе бидат дел од Интернационалниот фестивал за филмска камера “Браќа Манаки”.
Најпрво во малата сала на Центарот за култура со почеток во 17.30 часот ќе биде прикажан документарниот филм кој ја проследува 15 годишната кариера на бендот, „Денот да е радосен”, во режија на Љубица Поповска и во продукција на Award Film & Video.
Истиот ден во Кафе Радост, Културно Уметнички Работници ќе одржат и концерт со почеток во 22 часот.
На концертот од 21 до 22 часот ќе му претходи едночасовен DJ Set на RootBoy.
