КУД „Дримкол“ од Вевчани преку својот детски и младински фолклорен ансамбал овие денови ја презентира Македонската култура и традиција на Меѓународниот фестивалот за музика и танци „Музика и море“, што се одржува во грчкото туристичко крајбрежно место Паралија.
Покрај настапите во официјалната програма на фестивалот кој се одвива во анфитеатарот во Паралија, младите членови на Дримкол ја воодушевија публиката и во туристичките места: Катерини, Олимпик Бич.
Организаторот задоволен од Вевчанци, синоќа им довери 15 минутна програма на свеченоста по повод доделувањето на Гранд При наградата на фестивалот.
Во рамките на овој фестивал се организира и Балканска фолклорна вечер во Атина на која Македонската култура и традиција ќе ја претставува првиот фолклорен ансамбал на „Дримкол“.
КУД „Дримкол“ од Вевчани со оваа турнеја заокружува уште едно успешно работно лето во кое реализира: 50 Македонски фолклорни вечери за гостите од Холандија кои престојуваа во Струга и Охрид, пет гостувања низ државата во рамките на Летниот културен бран преку Министерството за култура на Р.М, учество на Балканскиот фестивал во Охрид и фолклорните фестивали во Битола и Велес, реализација на Фестивалот за народна култура,,Пображење,,- Вечани.
За есенскиот период од „Дримкол“ најавуваат подготовка и реализација на самостоен концерт во Македонскиот народен театар во Скопје кој ќе го реализираат во ноември и подготовка за Традиционалниот новогодишен концерт во Вевчани.
