6 април, 2025
ПочетнаКУЛТУРАКнижевно пладне по повод 80 години од раѓањето на истакнатиот македонски писател...

Книжевно пладне по повод 80 години од раѓањето на истакнатиот македонски писател Миле Неделкоски

kniga-22-

Книжевно пладне по повод 80 години од раѓањето на истакнатиот македонски писател Миле Неделкоски ќе се одржи денес напладне во спомен-собата на Миладиновци во Градската библиотека „Браќа Миладиновци“- Скопје.

За делото на Неделкоски ќе зборуваат Санде Стојчевски и Братислав Ташковски, а делови од творештвото ќе интерпретира актерот Томе Витанов.

Миле Неделкоски e еден од најплодните македонски писатели. Пишува поезија, раскази, романи, драми, сценарија и есеи. Застапуван е во поетски и прозни антологии, а панорами од неговата поезија се публикувани на повеќе европски и светски јазици. Одделни книги се објавени на унгарски, романски, италијански, шпански и бугарски јазик.

Според неговиот роман „Подгревање на вчерашниот ручек“, по негово сценарио, снимен е долгометражен игран филм. Добитник е на наградите „Браќа Миладиновци“, „Рациново признание“ и на меѓународната награда „Димитар Талев“.

Миле Неделкоски е автор на дванаесет книги поезија, седумнаесет прозни дела, две книги есеи и две драми кои се поставени на сцената на Драмскиот театар во Скопје.

НАЈНОВИ ВЕСТИ

ХОРОСКОП