Промоцијата на „Ги најдов во длабокото“, нова збирка раскази од Симона Јованоска во издание на ИЛИ-ИЛИ, ќе се случи денеска во галеријата на МКЦ со почеток во 20 часот.
Расказите ќе ги претстави Љубиша Сулимановиќ, за книгата ќе зборува Владимир Мартиновски, а музичката поддршка е на Предраг Богданоски.
„Читајќи ги фантазмогоричните прози во збирката „Ги најдов во длабокото“, читателот цело време има чувство дека плови во длабоки води: во непрегледните длабочини на ликовите од расказите, но и во сопствените длабочини“, вели Владимир Мартиновски.
Симона Јованоска е родена 1985-та година во Гостивар. Збирката раскази „Ги најдов во длабокото“ е нејзина прва книга. Живее и работи во Скопје.