Некои корисници на „X“ кои плаќаат за претплата на платформата објавија дека можат да пристапат до „XChat“, кој е дизајниран да биде понова верзија на постоечката функција за „DM“.
Некои од функциите за кои се шпекулира дека се дел од „XChat“ вклучуваат групни пораки, „end-to-end“ енкрипција, режим на исчезнување, можност за означување на пораките како непрочитани и споделување датотеки. Пораките, исто така, се чини дека се заштитени со четирицифрена лозинка.
„X“ неодамна објави дека ја паузира работата на својата функција за енкриптирани пораки, што може да биде поврзано со претстојното издание на „XChat“, бидејќи новиот систем би го направил постоечкиот интерфејс за „DM“ застарен.
Оние кои плаќаат за своите „X“ сметки имаат пристап до ограничена верзија на енкриптирани пораки две години.
Во годините откако го купи „Twitter“, Маск постојано зборуваше за своите амбиции да изгради услуга за пораки слична на „Signal“ во „X“. Ако „XChat“ навистина се подготвува за пошироко јавно лансирање, тогаш оваа вест може да биде остварување на неговата цел.
Самиот Маск даде нови детали, велејќи: „Се воведува сосема нов ‘XChat’ со енкрипција, исчезнувачки пораки и можност за испраќање на секаков вид датотека. Исто така, нуди аудио/видео повици. Ова е изградено на ‘Rust’ со енкрипција (во стилот на ‘Bitcoin’), сосема нова архитектура“.
