Денес, во 12 часот, во Друштвото на писателите на Македонија ќе се одржи сеќавање на писателот Саме Лимани Жарноски, по повод 80-годишнината од неговото раѓање.
За творештвото на Саме Лимани Жарноски ќе зборува Горан Анчевски, а обраќања ќе имаат Веле Смилевски, претседател на ДПМ и Бојда Исмаил, претседател на Сојузот на Македонците со исламска религија. Средбата ќе ја води Александра Велинова.
Саме Лимани Жарноски (1935-2007) својот работен век го помина како наставник по македонски јазик во селото Жировница. Таму го создаде својот опус од десетина поетски книги, меѓу кои: „Распукани бигори“, „Искри во изгасната пепел“ и „Реквием во црно“. Беше член на Друштвото на писателите на Македонија од 1971 година.
