За да бидете поздрави и посреќни, мора да водите здрав живот, да бидете активни, многу да се движите и да имате здрава исхрана. Сепак, овие три работи се најважни. Доколку се откажете од нив, ќе успеете да се ослободите од вишокот килограми еднаш засекогаш!
Ден за опуштање
Многу диети не се толку строги и допуштаат еден ден неделно да отстапите од диетата и да изедете неколку залаци од храната што ја сакате, а од која би требало да се воздржувате. Но, обично секој претерува со јадењето на таа храна. Тоа што со нездрава храна ќе го прославите јадењето на здрава храна е исто како алкохоличар со пиво да го прослави месецот без алкохол. Тоа не функционира. Бидете умерени и се ќе биде полесно.
Седумдневна диета
Колку пати сте држеле некоја од седумдневните диети? Дали ви успеало да симнете неколку килограми? Понекогаш тие диети може да бидат успешни, но само ако строго се придржувате до правилата и го почитувате секој напишан грам. Никаква голема промена не можете да направите за само седум дена – за здрав живот е потребно многу повеќе време.
Чувство на вина
Кога нешто ќе изедете, немојте да се обвинувате себе си, дури и ако претерате. Поради тоа само ќе бидете нерасположени и потоа повторно ќе јадете за да се утешите, па така ќе влезете во магичниот круг на јадење и обвинување. Внимавајте на вашите избори и внимавајте на количината од тоа што го јадете. Ако некогаш претерате, простете си, затоа што сепак и вие сте само човечко суштество со слабости.
