Раководството на италијанскиот гигант Интер сака во своите редови да го доведе 17-годишниот талент на Баерн Минхен, Џанлука Гаудино, пишува „Calciomercato.com“.
Гаудино постепено влегува во плановите и на Пеп Гвардиола, кој го вика во првиот тим на „баварците“.
Фудбалерот се уште е со плата на адолесцент, па тоа ќе се обидат да го искористат Италијанците, така што ќе му предложат на младиот талент, повисока плата.
Гаудино настапи на два натпревари во Бундеслигата во составот на „баварците“, против Волфсбург и Штутгарт.
Се очекува да се види каква ќе биде реакцијата на првите луѓе на Баерн, а според последните информации кои пристигнуваат од Минхен, тие на Гаудино ќе му понудат нов договор со многу подобри услови и поголема откупна клаузула.