Фудбалерите на Металург успеаја да се пласираат во третото коло од квалификациите за Лига Европа откако синоќа во Сараево против Железничар одиграа 2:2.
До големиот успех на екипата од „Железарница“ стигна со голот на Миле Крстев во втората минута од судиското надополнување.
Претходно домаќините поведоа со 2:0 (Нинослав Додевски автогол 16.минута и Ријад Бајиќ 54.минута), а Марјан Радески во 62.минута намали на 2:1.
За одбележување е и промашениот пенал на Марко Симоновски во 57.минута.
Ремито од 2:2 на македонскиот претставник му одговараше со оглед на тоа дека првиот дуел во Скопје заврши без погодоци 0:0.
Во следната фаза противник на „металурзите“ ќе биде Омонија од Кипар.
