29 март, 2024
ПочетнаИНТЕРЕСНОКрос пристигна во Мадрид, следен е Родригез

Крос пристигна во Мадрид, следен е Родригез

kroos-rodriguez2222

Германскиот полудефанзивец Тони Крос веќе е фудбалер на европскиот шампион Реал Мадрид.

24-годишниот играч потпиша шестгодишен договор и официјално ќе биде претставен на „Сантијаго Бернабеу“ денеска во 17.00 часот.

Според „Евроспорт“, Реал ќе му плати на Баерн Минхен трансферна сума од околу 25 милиони евра, а годишната плата на Крос ќе биде 6,7 милиони евра.

„Му благодариме на Тони за неговиот престој во Баерн. Заедно уживавме во големи успеси. Му посакуваме на него и неговото семејство се најдобро во Мадрид и во Реал“, изјави извршниот директор на „баварците“ Карл-Хајнц Румениге.

Неколку минути по изјавата Реал го поздрави своето ново засилување преку својот официјален профил во „Twitter“.

24-годишниот Крос е тинејџер на Ханза Росток, а во 2006-та година заминал во академијата на Баерн. Уште на 17 години халфот имаше одлично деби за првиот тим. Тој влегува како резерва во натпреварот против Енерџи Котбус во 2007-ма година и реализирал две асистенции.

Крос една сезона и половина беше позајмен во Баер Леверкузен, каде остави одличен впечаток со своите настапи. Во 2010-та година се враќа во Баерн и оттогаш е главен играч во составот на „баварците“.

Фудбалерот има 26 гола во 205 натпревари за германскиот шампион, како и седум погодоци на 51 средба за репрезентацијата.

Крос имаше исклучително добар настап на светско првенство, постигнувајќи два гола, а заврши како лидер меѓу асистентите со четири реализации и беше номиниран за играч на турнирот. Тој го освои првото место меѓу сите играчи според индексот на „Кастрол“ со рејтинг 9.79.

Како што соопштува „АС“,Колумбискиот репрезентативец и голгетер на СП 2014 во Бразил, Хамес Родригез ќе премине во Реал Мадрид за неколку дена.

23-годишниот фудбалер ќе потпише со „кралскиот клуб“ за пет сезони до летото 2019-та година. „Кралевите“ ќе платат за него 70 милиони евра, а како дел од договорот, кон Франција ќе замине и дефанзивниот играч Каземиро.

Се очекува Хамес Родригез во Реал Мадрид да го замени аргентински репрезентативец Анхел Ди Марија кој најверојатно повеќе нема да биде дел од тимот од „Сантијаго Бернабеу“.

НАЈНОВИ ВЕСТИ

ХОРОСКОП