Иако пестицидите ги заштитуваат растенијата од болести и инсекти, познато е дека нивното дејство е токсично по човековото здравје.
Како правилно да ги измиете пестицидите од овошјето и зеленчукот?
Остатоците од пестициди можат да се апсорбираат низ коренот на растението и не можат да бидат измиени. Но, она што вие можете да го направите е…
1. Добро измијте ги рацете со топла вода и сапун пред да започнете со подготвување на храната.
2. Со топла вода и сапун исчистете ја работната површина на кујната, даската за сечење и приборот за сечење и лупење, пред и по користењето.
3. Добро измијте го овошјето и зеленчукот под млаз вода.
4. Претходно чувајте ги потпопени во вода 10-тина минути.
Со лупење се отстрануваат речиси сите пестициди. И покрај тоа што на тој начин се губат и некои хранливи состојки, сепак се препорачува овошјето и зеленчукот да се лупат.
Кога е во прашање органската храна, доброто миење е исто така задолжително за да се избегнат бактериските и другите заразни материи, бидејќи „органско“ не значи дека не треба воопшто да го миете.
