Ако сте во некоја работа, тогаш најверојатно имате многу задачи кои треба да ги завршите. Да се остане сконцентриран и фокусиран денес е многу тешко.
Секоја минута ве „напаѓаат“ меиловите, телефоните, клиентите, вработените со прашањата и сите бараат внимание за себе.
Вештината за вршење на неколку работи истовремено е навистина за пофалба, но таа истата вештина, не е корисна. На мозокот му е потребно барем 20 минути дневно да биде фокусиран, сконцентриран и непречен од страна за да доживее трансформација, а сето тоа ќе го постигнете со вежби, затоа вежбајте го мозокот.
Пробајте три едноставни начини за да постигнете добра концентрација:
Најпрво, работете креативни работи. Обично, сите наутро прво им приоѓаме на полесните задачи за кои не треба многу „мозок“, а потоа во текот на денот одиме кон се потешки задачи. Завртете го редоследот.
Истражувањата покажале дека само шест часови неделно сме фокусирани. Затоа е важно што ќе направите за тоа време. Во зависност од вашиот период на најдобро фокусирање, распределите ги задачите-најтешките завршувајте ги кога сте најдобро фокусирани.
Тренирајте го мозокот како мускулите. Тренирајте го мозокот да биде сконцентриран и фокусиран. Исклучете ги сите фактори кои ви пречат и започнете со пет минутно дневно посветување на само една задача. Исто како кога вежбате и ги развивате мускулите за да бидете во форма. Извежбајте ја неговата фокусираност, активност и времетраењето на доброто работење. Фокусирајте се на нешто и следете колку време можете да останете комплетно фокусирани, наредниот ден зголемете ја сесијата за да го навикнете секој ден малку по малку да ја зголемува продуктивноста.