6 април, 2025
ПочетнаЗДРАВЈЕЗаборавете на медитеранската исхрана, постои поздрав режим

Заборавете на медитеранската исхрана, постои поздрав режим

Научниците открија дека традиционалната африканска исхрана може да биде уште поефикасна во намалувањето на ризикот од рак и други болести отколку медитеранската исхрана, која со години се смета дека е најздрава во светот.

Истражувањето спроведено во Холандија покажа дека исхраната богата со житарки како просо, коренест зеленчук, јам и лиснат зеленчук значително го намалува воспалението во телото, што е клучен фактор на ризик за срцеви заболувања, дијабетес тип 2 и одредени видови на рак.

Во истражувањето учествувале 77 здрави мажи од Танзанија. Една група која вообичаено конзумирала традиционална африканска исхрана се префрлила на западна исхрана богата со преработено месо и пржени компири две недели. Резултатите покажаа зголемување на нивото на воспалителни протеини во крвта и намалена ефикасност на имуните клетки во борбата против патогените микроорганизми.

Од друга страна, учесниците кои се префрлиле од западна на традиционална африканска исхрана или го консумирале ферментираниот пијалок бега, забележале значително намалување на воспалителните маркери. Некои од овие позитивни ефекти траеле дури четири недели по завршувањето на интервенцијата, што сугерира дека краткорочните промени во исхраната можат да имаат долгорочни здравствени придобивки.

Д-р. Квиријн де Маст, еден од авторите на студијата, истакна: „Покажуваме колку може да биде нездрава западната исхрана, која обично се состои од преработена и висококалорична храна со прекумерна количина на сол, рафинирани шеќери и заситени масти“.

Овие наоди ја нагласуваат важноста на традиционалните навики во исхраната за одржување на здравјето и сугерираат дека враќањето на помалку обработена, растителна исхрана може да има значителни придобивки за имунолошкиот систем и да го намали ризикот од хронични болести.

НАЈНОВИ ВЕСТИ

ХОРОСКОП