Иако досега се сметаше дека идеалната телесна температура е 36,6 степени Целзиусови, најновото истражување на научниците покажа дека тоа воопшто не е така.
Покрај тоа, оваа температура може да укаже на многу здравствени состојби – од физички заболувања до тешкотии со менталното здравје кои на крајот може да резултираат со пократок животен век.
Нашиот организам е многу сложен систем, а за да функционира правилно, мора да постои синергија меѓу сите негови елементи. „Непреченото“ функционирање на телото го попречуваат бројни фактори – од стрес, преку неправилна и нередовна исхрана, до физички и психички болести, а еден од начините на кои телото ни кажува дека нешто не е баш во ред е зголемувањето на температурата.
Дали 36,6 сѐ уште е „нормална“ телесна температура и зошто да не?
Долги години се веруваше дека „нормалната“ телесна температура е 36,6 степени Целзиусови. Сепак, на почетокот на 20 век, беше откриено дека температурата на телото на луѓето постепено се намалува од година во година. Овој тренд научниците го објаснуваат со помал број на воспалителни процеси благодарение на почестата употреба на антибиотици и поздравиот начин на живот. Според денешните стандарди, температурата на телото е идеална ако само малку надминува 35 степени Целзиусови.
Сепак, покачената температура не е предизвикана само од воспалителни процеси во телото или некои физички заболувања, туку и ментални здравствени проблеми, поточно депресија, открија научниците од Универзитетот во Калифорнија во Сан Франциско, а објави рускиот портал „Аргументи и Факти“.
„Ова значи дека депресијата не е само во главата, туку дека треба да се гледа како системска болест придружена со воспалителен процес“, објаснува биологот на Џорџа Мејсон.
Колку е пониска телесната температура, толку подолго ќе живее човекот
Врз основа на овие наоди, научниците дошле до многу јасен заклучок, имено дека должината на животот е тесно поврзана со температурата на телото: колку е пониска, толку подолго ќе живее човекот. Се поставува прашањето: „И што може да се направи за трајно да се излади телото до оптимални вредности? Не постои универзален одговор, се разбира, но постојат упатства кои можат да бидат корисни.
Регулирањето на исхраната би можело да биде првиот чекор во борбата против покачената телесна температура, а како резултат на оваа промена ќе се подобри и менталното здравје. Авторите на калифорниското истражување советуваат да се оди во сауни и парни бањи, па дури и подолги бањи со топла вода. На овој начин телото ги „вклучува“ механизмите за ладење кои ја намалуваат телесната температура прво привремено, а во комбинација со здрав начин на живот – трајно.
