Се смета дека речиси 45 проценти од возрасните ‘рчат повремено. Оваа непријатна појава најчесто се јавува поради опструкција на носните дишни патишта или ослабен тонус на мускулите на грлото и јазикот.
Се верува дека речиси 75 проценти од луѓето кои ‘рчат имаат опструктивна ноќна апнеја, што е краткотрајно прекинување на надворешното дишење, со зачувано внатрешно дишење или пауза во дишењето во траење од 3 до 10 секунди. Оваа состојба го зголемува ризикот од развој на срцеви проблеми.
Експертите велат дека во развиениот свет на пазарот има многу помагала кои се продаваат како лек против ‘рчењето. Научниците предупредуваат дека нема доволно студии за да се потврди ефикасноста на овие средства. Состојбата понекогаш може да се подобри само со промена на навиките.
Сменете ја страната на која спиете
За време на спиењето на грб, основата на јазикот се движи кон ѕидот на грлото, што резултира со познатиот вибрирачки звук. ‘Рчењето би можело да се спречи со спиење на страна, исто така неопходно е перницата на која спиеме да биде со соодветна големина и да го потпира телото.
Совет е малку да ја подигнете главата, за да ги ослободите носните пасуси и да спречите ‘рчење. Внимавајте да не останете во оваа положба премногу долго. за да нема болка во вратот. Доколку промената на положбата не даде резултати, можно е да се работи за апнеја при спиење, состојба која бара медицински надзор.
Намалете ја тежината
Во некои случаи, особено кај дебелите луѓе, регулирањето на тежината може да биде корисно. Експертите нагласуваат дека оваа метода не секогаш дава резултати, бидејќи и слабите луѓе можат да ‘рчат. Ако се здебелиме и почнеме да ‘рчиме, регулацијата на тежината може да помогне. Се смета дека луѓето кои имаат тенденција да се здебелуваат во пределот на вратот повеќе ‘рчат. Губењето тежина може да биде корисно ако има зголемување на телесната тежина.
Избегнувајте алкохол и цигари
Употребата на алкохол и седативи, додека мирувате, може да го намали тонот на мускулите во задниот дел на грлото и да предизвика ‘рчење. Употребата на алкохолни пијалоци, четири до пет часа пред спиење, е фактор на ризик. Дури и луѓето кои вообичаено не ‘рчат може да имаат потешкотии ако консумираат алкохолни пијалоци пред да заспијат.
Хигиена на спиење
Лошите навики во форма на недоволно количество квалитетен сон може да предизвикаат слични ефекти како и употребата на алкохол. Ноќните смени и недоволното спиење не прават премногу уморни, поради што се јавуваат проблеми, бидејќи во такви ситуации длабоко спиеме, мускулите ни слабеат и почнуваме да ‘рчиме. Обидете се да дишете длабоко низ носот за време на спиењето и не ги затворајте носните пасуси. Важно е носот да не е затнат, но ако тоа се случи, обидете се да го исплакнете со раствор од солена вода.
Променете ги перниците
Перниците на кои спиеме може да се наполнат со алергени, кои се уште еден фактор на ризик за ‘рчењето. Совет е редовно да ги менувате навлаките за перници и ако тоа не помогне, заменете ја старата перница со нова.
Грините од прашина се акумулираат во перниците и предизвикуваат алергиски реакции кои можат да доведат до ‘рчење. Не се препорачува милениците да спијат на кревет, бидејќи се можни алергиски реакции. Исто така, се препорачува редовно проветрување и менување на перниците на секои шест месеци за да се избегне дејството на прашинските грини и алергени. Домашните миленици не треба да престојуваат во просторијата каде што спиете.
Вода
Секретите во носот и мекото непце се погусти ако грлото ни е постојано суво, што може да доведе до ‘рчење. Доволно количество вода ги разградува секретите, овозможува нивно полесно исфрлање и на тој начин чистење на дишните патишта.
Опасностите од ‘рчењето
Покрај тоа што е непријатно за другите, ‘рчењето може да биде и опасност по здравјето. Анализата на здравствените податоци од студија за спиење покажа дека интензитетот на ‘рчењето е поврзан со ризикот од каротидна атеросклероза – стеснување на артериите на вратот поради масните наслаги. Ова може да доведе до мозочен удар.
Податоците сугерираат дека луѓето со апнеја имаат двојно поголема веројатност да имаат и срцеви заболувања и срцеви удари.
Гастроезофагеалната рефлуксна болест е многу честа кај луѓето кои ‘рчат, поради неуредниот начин на кој нивното грло се затвора додека воздухот се вовлекува и излегува за време на спиењето. Ова предизвикува промени на притисокот што може да ја цица содржината на нивниот стомак назад во хранопроводникот.
