Сите ќе се согласите, лесно е да се започне со вежбање. На еден или на друг начин ќе си ја зголемите мотивацијата и ќе го направите првиот чекор, но проблемите со редовното вежбање доаѓаат малку подоцна. Повеќето луѓе прават многу први чекори и никако не успеваат да продолжат понатаму. Зошто? Одговорот е едноставен: не успеваат да го направат вежбањето навика која нема да ја прескокнуваат, исто како што не го прескокнуваат утринското миење на забите.
Навистина не е лесно да се навикнете редовно да практикувате одредена физичка активност, но тоа не е невозможна мисија. Важно е да имате желба и волја да започнете, а во самиот процес на претворање на вежбањето во навика ќе ви помогнат следниве совети:
– Секогаш вежбајте во исто време
– 21 ден користете аларм како потсетник
– Оставете ја опремата за вежбање на видик
– Не правете повеќе од еден ден пауза
– Изберете активност која ви е забавна
– Вежбајте дури и ако сте уморни
– Побарајте партнер на кого вежбањето веќе му е навика
– Не го одложувајте вежбањето, освен ако ви излезе нешто навистина неодложно
